Xalq Cəbhəsi Qəzeti logo
Xalqın səsi
ilham

Karel Yarolim: “Azərbaycana qalib gələ bilsək...”

26.09.17, 12:39
Facebook-da paylaş Twitter-da paylaş Google-da paylaş Yahoo
Bu xəbəri paylaş
 

“Dünya çempionatının final mərhələsinə yüksəlmək şansımız qalmayıb. Buna baxmayaraq, seçmə mərhələnin son görüşlərində özümüzü yaxşı tərəfdən göstərmək istəyirik”. Bu sözləri Çexiya yığmasının baş məşqçisi Karel Yarolim deyib. Çexlər DÇ-2018-in seçmə mərhələsində sonuncu matçlarını Azərbaycan və San Marino yığmalarına qarşı keçirəcəklər. Bu oyunlar üçün heyəti açıqlayan Yarolim ölkəsinin mətbuatına açıqlama verib. O, ilk dəfə dəvət göndərdiyi Şimon Faltaya böyük ümid bəslədiyini bildirib: “O, texniki cəhətdən yaxşı futbolçudu. Komandanın oyun üslubuna uyğunlaşmaqda çətinlik çəkməyəcək. İndi heyətdə böyük dəyişikliklər etmək istəmirik. Seçmə mərhələ bitəndən sonra bu barədə düşünəcəyik. Gələn ilin yazında başqa futbolçular da millidə oynamaq şansı qazanacaqlar”.
Təcrübəli çalışdırıcı seçmə mərhələnin son 2 matçında 6 xalı hədəflədiklərini deyib: “Düzdü, dünya çempionatına getmək şansımız qalmayıb və bu bizi məyus edir. Amma hər oyunun əhəmiyyəti var. Həm Azərbaycan, həm də San Marino ilə matça qələbə üçün çıxacağıq. Onlara qalib gələ bilsək, komandamızın reytinq xalına təsir edəcək. Bu da növbəti püşkatmada daha yüksək səbətdə yer almağımıza şərait yarada bilər”. Qeyd edək ki, oktyabrın 5-də Bakıda millimizin qonağı olacaq Çexiya yığması 3 gün sonra San-Marinonu qəbul edəcək.

Bu xəbər oxundu
- - -