Xalq Cəbhəsi Qəzeti logo
Xalqın səsi
ilham

MŞ idarə Heyətinin iclası keçirilib

05.02.18, 14:55
Facebook-da paylaş Twitter-da paylaş Google-da paylaş Yahoo
Bu xəbəri paylaş
 

Mətbuat Şurasının (MŞ) İdarə Heyətinin növbəti iclası keçirilib. Şuradan verilən məlumata görə, gündəlikdəki birinci məsələ Mətbuat Şurasının 2017-ci ildə gördüyü işlərə dair hesabatının müzakirəsi olub.

Ə. Amaşov bildirib ki, Mətbuat Şurasına 2017-ci ildə 602 müraciət qeydə alınıb: “Bunlardan 171-i kütləvi informasiya vasitələrinin, o cümlədən internet xəbər portallarının fəaliyyətindən yazılı, 203-ü şifahi şikayətlərdir. Daxil olan 171 şikayətin 88-nə bilavasitə Şuranın Katibliyində baxılıb. 88 şikayətin 35-i ilə əlaqədar şikayət müəllifi ilə müvafiq izahat işi aparılıb. 53 şikayət üzrə şikayətçi və cavabdeh tərəf Şuraya dəvət edilib və məsələnin həlli ilə bağlı Katiblik tərəfindən təqdim edilmiş variantlar tərəfləri qane etdiyindən məsələ bitmiş hesab olunub. Daxil olan 171 şikayətdən 83-ü Mətbuat Şurasının müvafiq komissiyalarında araşdırılıb. Bu baxımdan Şikayətlər üzrə Komissiyanın və “Reket jurnalistika”ya qarşı mübarizə Komissiyasının fəaliyyəti vurğulanmalıdır.

Şikayətlər üzrə Komissiyada baxılan 83 şikayət üzrə çıxarılmış 27 rəydə cavabdeh tərəfin peşə müstəvisində yol verdiyi nöqsanlar vurğulanmaqla yanaşı, məsələnin eyni zamanda “Reket jurnalistika”ya qarşı mübarizə Komissiyasında müzakirəsi məqsədəuyğun sayılıb”.

Ə. Amaşov qeyd edib ki, “Reket jurnalistika”ya qarşı mübarizə Komissiyasında baxılmış 27 şikayətdən 18-də məsələ ilə bağlı araşdırılmaların davam etdirilməsi rəyinə gəlinib: “9 rəydə isə cavabdeh KİV-in adının Şuranın “qara siyahı”sına daxil edilməsi əksini tapıb. Şikayətlər üzrə Komissiyanın 83 rəyindən 56-da çıxarılmış rəy konkret məsələ üzrə yaranmış mübahisənin həllini nəzərdə tutub. Bunlardan 11-də şikayətçi tərəfin arqumentlərinin əsassızlığı əksini tapıb. Digər 45 rəydə isə cavabdeh KİV-in “Azərbaycan Jurnalistlərinin Peşə Davranışı Qaydaları”nın hansı prinsip və bəndlərini pozduğu müəyyənləşdirilib”.

Sonda peşə davranışı qaydalarının pozulmasındakı xarakterik xüsusiyyətlərin, Mətbuat Şurasının çıxardığı qərar və rəylərin nələri nəzərdə tutduğunun, Şuranın tədbirlərinin, dövlət proqramından irəli gələrək gördüyü işlərin və digər məsələlərin əksini tapdığı hesabat səsə qoyularaq qənaətbəxş qiymətləndirilib.

Bu xəbər oxundu
- - -