Xalq Cəbhəsi Qəzeti logo
Xalqın səsi
ilham

“Prezident seçkilərindən sonra ciddi addımlar atıla bilər“

09.02.18, 10:48
Facebook-da paylaş Twitter-da paylaş Google-da paylaş Yahoo
Bu xəbəri paylaş
 

Məhərrəm Zülfüqarlı: "Azərbaycanla müqayisədə bir sıra Avropa ölkələrində seçki kampaniyasının müddəti daha azdır"

"Bir sıra qərbyönümlü seçki təşkilatları Azərbaycanda seçki kampaniyasının 90 gündən 60 gündən endirilməsi və seçki təşviqatı ilə bağlı müddətin 23 günə endirilməsini tənqid edir. Ancaq sonradan araşdırmalar zamanı məlum olub ki, Azərbaycanla müqayisədə bir sıra Avropa ölkələrində seçki kampaniyasının müddəti daha azdır. Hətta İspaniyada seçki təşviqatı üçün cəmi 10 gün ayrılır".
Dünən keçirilən mətbuat konfransında Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA) Seçki Qərargahının rəhbəri Məhərrəm Zülfüqarlı belə deyib. O, prezident seçkilərinin vaxtının önə çəkilməsinin vacibliyindən danışıb: “Azərbaycan demokratik ölkədir, son referendumda qəbul edilən Konstitusiyada prezidentin səlahiyyət müddəti 7 il olacaq. 2025-ci ildə prezident və parlament seçkiləri üst-üstə düşəcək. Seçki Məcəlləsinə görə, parlament və prezident seçkiləri eyni gündə keçirmək mümkün deyil. Məhz buna görə də dövlət başçısı prezident seçkilərinin yazda keçirilməsi barədə sərəncam verib. Ola bilsin, Qarabağ probleminin həllində prezident seçkilərindən sonra ciddi addımlar atılsın. Çünki Rusiyada və digər ölkələrdə də prezident seçkiləri keçirilir. Azərbaycanda bir qədər gec keçirilməsi, ola bilsin ki, bu danışıqlarda müəyyən maneçilik törədə bilərdi”.
Seçki Qərargahının rəhbəri hesab edir ki, prezident seçkilərinin vaxtının dəyişdirilməsi gələcəkdə Dağlıq Qarabağ probleminin həlli istiqamətində daha real addımlar atılmasına kömək edə bilər.
Məhərrəm Zülfüqarlı bəzi partiyaların seçkidə iştirakdan imtina etməsini də dəyərləndirib: "Yazırlar ki, filan partiya seçkini boykot etdi. Boykot başqadır, seçkidə iştirak etməmək başqa. Bəlkə sənin seçkidə iştirak etmək üçün heç gücün yoxdur. Seçkidə iştirak etməmək boykot demək deyil. Boykotu o təşkilat edə bilər ki, onun gücü, böyük strukturu olur və seçkidə iştirak etmək üçün hər cür imkanları olur. Amma heç bir gücü olmayan bir təşkilatın seçkiləri boykot etməsi düzgün deyil".

Bu xəbər oxundu
- - -