Xalq Cəbhəsi Qəzeti logo
Xalqın səsi
ilham

Rusiyadan əks həmlə gəldi

22.05.18, 10:21
Facebook-da paylaş Twitter-da paylaş Google-da paylaş Yahoo
Bu xəbəri paylaş
 

Mayın 9-da İsrailin Suriyada İrana aid hərbi obyektləri vurmasına, 23 Suriya və İran əsgərinin ölümünə səssiz qalan Rusiyadan əks həmlə gəldi. İsrailin kəşfiyyat təşkilatı MOSSAD-a yaxınlığı ilə tanınan DEBKA saytının iddiasına görə, Rusiya prezidenti Vladimir Putinin mayın 16-da Soçidə Baş qərargahın rəhbərliyinə verdiyi iki əhəmiyyətli təlimat həyata keçirilməyə başlanılıb.
Putinin təlimatına əsasən, Livan, Suriya və İsrail sahillərində “Kalibr” qanadlı raketlərinin yerləşdirilməsinə başlanılıb. Digər tərəfdən, yüksək kalibrli və hər biri 500 kiloqram partlayıcı gücünə malik “Golan-1000” raket sistemləri Dəməşqin cənubuna yerləşdirilib. Hava hücumundan müdafiə gücünə sahib raketlərin İsrailin şimalında yerləşən ən kritik müdafiə mövqeyi olan Qolan təpələrindəki bütün müdafiə xəttini tamamilə yox edə biləcək gücdədir. Bununla da İsrailin Suriyanın cənubunda hava hücumları təşkil etmək imkanı ciddi şəkildə məhdudlaşdırılmış oldu.
Digər bir xəbərə görə, Suriyada hökumət qüvvələri İŞİD terror təşkilatı ilə əldə etdiyi razılaşma nəticəsində paytaxt Dəməşq və ətrafına nəzarəti tamamilə ələ keçirib. Son olaraq, İŞİD Dəməşqin cənubundakı Yərmuk düşərgəsindən çıxıb. Bununla da Bəşər Əsəd rejimi 7 illik vətəndaş müharibəsinin başlanmasından bu yana ilk dəfə Dəməşqə nəzarəti tamamilə təmin etmiş olub. Aprel ayının sonunda rejimlə razılaşmaya əsasən, Azad Suriya Ordusu və “Heyet Tahrir Şam” bölgədən çıxmışdı.

Bu xəbər oxundu
- - -



___

Tehrandan Bakıya dil uzadanlar – Azərbaycandan düşmən yaratmaq onların nəyinə lazımdır?(ardı...)