Xalq Cəbhəsi Qəzeti logo
Xalqın səsi
ilham

“Lavrov da Paşinyana ümid yeri qoymayıb”

08.06.18, 8:04
Facebook-da paylaş Twitter-da paylaş Google-da paylaş Yahoo
Bu xəbəri paylaş
 

“Ermənistanın baş naziri Nikol Paşinyan Qarabağla bağlı mövzunu dəyişməyə çalışır. O bir tərəfdən Azərbaycan Prezidenti İlham Əliyevlə görüşməyə hazır olduğunu bildirib, digər tərəfdən “danışıqlarda Qarabağ təmislçiləri də iştirak etməlidirlər, mən onların yerinə qərar verə bilmərəm” deyib tutub. Paşinyan bu məsələdə Qərbin, hətta güvəndikləri Rusiyanın dəstəyini ala bilməyəcək”. Bunu açıqlamasında politoloq Elxan Şahinoğlu deyib.
Onun sözlərinə görə, illərdir formalaşan format var və Paşinyanın xaricində kimsə bu formatın dəyişməsini istəmir: “Paşinyan dediyindən dönməsə, ona qarşı istifadə edəcəyimiz arqument bəllidir. Birincisi, torpaqlarımızı Ermənistan işğal edib, ona görə də yaxalarını kənara çəkə bilməzlər. İkincisi, münaqişənin həllinin sonrakı mərhələsində müzakirələrdə Qarabağ təmsilçilərinin iştirakı istisna olunmur, ancaq bu danışıqlarda Qarabağın erməni icması ilə yanaşı azərbaycanlı icması da iştirak etməlidir”.
Nikol Paşinyan bleflə məşğuldur. O yəqin bilir ki, onun təklifi keçməyəcək, heç bu gün Ermənistanın xarici işlər naziri ilə görüşən Rusiyanın xarici işlər naziri Sergey Lavrov da Paşinyana ümid yeri qoymayıb. Bildirib ki, əgər Azərbaycan və Ermənistan Dağlıq Qarabağdakı separatçıların danışıqlarda tərəf kimi iştirakına dair razılığa gəlsə, biz bu qərara hörmətlə yanaşacağıq. Lavrovun sözlərindən çıxan nəticə budur ki, Azərbaycan etiraz edirsə Qarabağ təmsilçilərinin danışıqlarda iştirakı mümkün olmayacaq. Nikol Paşinyanın məqsədi diqqəti həll prosesindən yayındırmaqdır. Paşinyanın iqtidarı zəifdir. Ona görə də o Qarabağ danışıqlarına hazır deyil, növbədənkənar parlament seçkisinə qədər vaxtı uzatmağa çalışır. O indiki kövrək parlamentlə ciddi addımlar atmağa risq etmir”.

Bu xəbər oxundu
- - -



___

Tehrandan Bakıya dil uzadanlar – Azərbaycandan düşmən yaratmaq onların nəyinə lazımdır?(ardı...)