Xalq Cəbhəsi Qəzeti logo
Xalqın səsi
ilham

Jurnalistlər üçün daha bir yazı müsabiqəsi

22.06.18, 14:32
Facebook-da paylaş Twitter-da paylaş Google-da paylaş Yahoo
Bu xəbəri paylaş
 

Dövlət Gömrük Komitəsi və Mətbuat Şurası gömrük xidmətində həyata keçirilən genişmiqyaslı islahatlar, əldə olunan nailiyyətlər, tətbiq edilən yeni texnologiyalar, qabaqcıl təcrübə, beynəlxalq əməkdaşlıq, gömrük-biznes əməkdaşlığı və digər məsələlərin kütləvi informasiya vasitələrində obyektiv işıqlandırılması, təbliği, habelə ictimaiyyətlə gömrük arasında əlaqələrin daha da inkişaf etdirilməsini təmin etmək məqsədilə yazı müsabiqəsi elan edib. “Azərbaycan Gömrüyü - bu gün və sabahın çağırışları” mövzusunda yazı müsabiqəsi 22 iyul Milli Mətbuat Gününə həsr olunur.
Mükafatlandırılma aşağıdakı formada aparılacaq:
I yer – 1 nəfər - 1000 manat
II yer – 1 nəfər - 800 manat
III yer – 1 nəfər - 500 manat
Həvəsləndirici mükafat 10 nəfər - 100 manat
Müsabiqənin istiqamətləndirici mövzuları aşağıdakılardır:
1. Təməli xalqımızın ümummilli lideri Heydər Əliyev tərəfindən qoyulan və ölkə başçısı cənab İlham Əliyevin davam etdirdiyi müasir gömrüyün inkişafı və perspektivləri;
2. Azərbaycan Respublikasının gömrük qanunvericliyi, müasir tələblər və çağırışlar;
3. Gömrük orqanlarının həyata keçirdiyi fiskal siyasət, gömrük orqanlarında maliyyə-vergi mexanizminin təkmilləşdirilməsi istiqamətində görülən işlər;
4. Gömrük nəzarətinin təşkili, malların və nəqliyyat vasitələrinin gömrük sərhədindən keçirilməsi üçün “Yaşıl dəhliz” və digər buraxılış sistemlərindən istifadə qaydaları və əhəmiyyəti;
5. Elektron gömrük, Azərbaycanda bu sahədə görülən işlər, dünya praktikası;
6. Gömrük sahəsində hüquqpozmalara qarşı mübarizə istiqamətində həyata keçirilən komleks tədbirlər, gömrük sərhədlərinin müdafiəsi, qaçaqmalçılıq hallarının qarşısının alınması, ümumi təhlükəsizlik məsələləri;
7. Gömrük-Biznes əməkdaşlığı;
8. Azərbaycan Gömrüyü beynəlxalq gömrük ailəsinin etibarlı tərəfdaşı kimi;
Qiymətləndirmə meyarları:
- mövzuların əhatə olunması, jurnalist araşdırması, əsaslandırma;
- materialın oxucu üçün informasiyalılıq səviyyəsi;
- yazının dil və üslub xüsusiyyətləri, ifadə vasitələrinin zənginliyi;
- jurnalist obyektivliyi, qərəzsizliyi, tərəfsizliyi.

Müsabiqədə iştirak üçün şərtlər:
1.Müsabiqə elan olunan günədək ən azı bir il müddətində kütləvi informasiya vasitələrində fasiləsiz işləyən jurnalistlər müsabiqədə iştirak edə bilərlər;
2.Müsabiqəyə təqdim olunan yazı 11 min işarədən artıq olmamalıdır;
3.Müsabiqəyə təqdim olunmuş yazıda (KİV-də çap olunmuş, yayımlanmış mətndə) “Azərbaycan Gömrüyü - bu gün və sabahın çağırışları” mövzusunda yazı müsabiqəsinə təqdim olunur” qeydi yer almalıdır;
4.Müsabiqəyə 22 iyun 2018-cü il tarixdəndən 17 iyul 2018-cü il tarixədək qəzet, jurnal, informasiya agentliklərində və elektron media resurlarında yayımlanmış yazılar buraxılır;
5.Konkret kütləvi informasiya vasitəsində çalışmayan şəxslərin müsabiqəyə yazı təqdim etməsi yolverilməzdir.

Yazıların təqdim edilməsi:
Müsabiqəyə sənədlərin qəbulu rəsmi iş günləri saat 10.00-dan 17.00-dək Azərbaycan Mətbuat Şurasında həyata keçiriləcəkdir.
Müsabiqəyə təqdim olunmalıdır:
1. Yazı təqdim edən şəxsin şəxsiyyət vəsiqəsinin surəti;
2. Yazı təqdim edən şəxsin konkret kütləvi informasiya vasitəsində işlədiyini təsdiqləyən sənədin surəti (iş vəsiqəsi və ya əmək kitabçasından müəllifin KİV-də çalışdığını təsdiqləyən çıxarış);
3. Yazı təqdim edən şəxsin əlaqə vasitələri – ev və iş telefonu və mobil telefonu;
4. Müsabiqə üçün verilmiş yazının getdiyi qəzet və jurnalın 1 nüsxəsi;
5. Yazı diskdə word faylında (müəllifin adı göstərilməməklə times new roman şriftində). Yazı elektron media resursunda yayımlanıbsa, link diskə əlavə olunur;
6. Materialın yazılı formada A4 formatlı kağız vərəqində 1 nüsxəsi (müəllifin adı göstərilməməklə);
7. Təqdiman zamanı müsabiqə şərtlərindən hər hansı birinin yerinə yetirilməməsi qaydaların pozulması kimi qiymətləndiriləcək və yazı qəbul olunmayacaqdır.
Qeyd: Müsabiqəyə yazılar [email protected] elektron ünvanına da göndərilə bilər. Bu zaman təqdimata yazı özü (word faylında, imzasız), qəzet, jurnal nüsxəsi (PDF, JPG, yaxud word faylında), elektron media resursunda yayımlanıbsa, bunu təsdiqləyən link, həmçinin müəllifin şəxsiyyət vəsiqəsi, iş vəsiqəsi və ya əmək kitabçasından müəllifin KİV-də çalışdığını təsdiqləyən çıxarış (PDF, JPG, yaxud word faylında), əlaqə vasitələri (PDF, JPG, yaxud word faylında) əlavə olunmalıdır.
Müsabiqə mükafatçılarının adları 22 iyul Milli Mətbuat Günü ərəfəsində açıqlanacaq.

Bu xəbər oxundu
- - -