Xalq Cəbhəsi Qəzeti logo
Xalqın səsi
ilham

Ermənistan Rusiyaya “əzələ“ nümayiş etdirməyə başlayıb

02.08.18, 14:14
Facebook-da paylaş Twitter-da paylaş Google-da paylaş Yahoo
Bu xəbəri paylaş
 

Rəsmi Yerevan Yuri Xaçaturova qarşı irəli sürülən ittihamlardan sonra Kollektiv Təhlükəsizlik Müqaviləsi Təşkilatının (KTMT) baş katibi kvotasını saxlamağı planlaşdırır. Ermənistan tərəfinin fikrincə, KTMT-ın yeni baş katibi bu ölkənin nümayəndəsi olmalıdır.
Bunu "RBC"-ə açıqlamasında Ermənistanın baş nazirinin mətbuat katibi Arman Eqoyan bildirib. "Jurnalistin rəsmi Yerevan KTMT yeni baş katibi postuna sədrinin Ermənistan nümayəndəsinin olması məsələsində israr edəcəkmi" sualını Eqoyan belə cavablandırıb: "Kvota 2020-ci ilə qədər Ermənistana məxsusdur".
Ermənistanın Xüsusi İstintaq Xidməti iyulun 26-da keçmiş prezident Robert Köçəryana qarşı ölkənin konstitusion quruluşunu dəyişmək ittihamını irəli sürüb. Köçəryan məhkəmə qərarı ilə iki aylığına həbs edilib. Keçmiş prezident ittihamların siyası xarakterli olduğunu bəyan edib.
Ondan əvvəl isə keçmiş müdafiə naziri Mikael Arutyunyan 2008-ci il 1 mart hadisələri ilə bağlı müqəssir qismində istintaqa cəlb olunub və barəsində axtarış elan olunub. KTMT baş katibi Yuri Xaçaturova da bu iş çərçivəsində ittiham irəli sürülüb. Xaçaturov zaminə buraxılıb.
Baş verənlər Moskvada hiddətə səbəb olub. Rusiya dövlət strukturlarında olan mənbə "Kommersant" nəşrinə bildirib ki, Rusiyada Ermənistanın hazırkı rəhbərliyinin hərəkətləri hərbi blokun imicinə zərbə kimi qiymətləndirilib. Moskva hesab edir ki, KTMT-nin baş katibi postuna digər üzv ölkənin vətəndaşı seçiləcək.

Bu xəbər oxundu
- - -