Xalq Cəbhəsi Qəzeti logo
Xalqın səsi
ilham

Hərracda 10 dövlət əmlakına 22 sifariş verilib

25.09.18, 12:45
Facebook-da paylaş Twitter-da paylaş Google-da paylaş Yahoo
Bu xəbəri paylaş
 

Əmlak Məsələləri Dövlət Komitəsi (ƏMDK) tərəfindən özəlləşdirmədə elektron sistemin tətbiqi ilə sentyabrın 25-də növbəti hərrac reallaşıb. Müasir hərracın üstünlükləri şəffaf və operativ prosesdə rəqabətli mühit yaradıb. Belə ki, ayın son hərracında 10 dövlət əmlakı üzrə 22 sifariş qəbul edilib. İştirakçılardan 7-si seçdiyi dövlət əmlakına elə olduğu məkandan onlayn formada sifariş verib.
Nəqliyyat vasitələri üzrə iştirakçıların aktivliyi ilə hərracda yüksək rəqabət müşahidə olunub. Buraxılış ili 2008 olan QAZ-31105-100 markalı avtomobil üçün 6-sı elektron olmaqla 10 sifariş qəbul edilib. İştirakçılar arasında mübarizə ilkin hərrac qiyməti 2 min manat olan dövlət əmlakının satış qiymətini 4 min 350 manata yüksəldib. Analoji hal VAZ-21213 markalı nəqliyyat vasitəsi üçün də xarakterikdir. Buraxılış ili 2003 olan bu avtomobilin hərracında 4 sifarişçi iştirak edib. Hərrac prosesində bu dövlət əmlakının start qiyməti 3 dəfədən çox artıb. 1300 manat ilkin qiymət təyin olunan avtomobilə 4 min 50 manat təklif edən iştirakçı hərracın qalibi olub.
Bu dəfə özəlləşdirilən kiçik dövlət müəssisə və obyektlərindən biri olan Xalac Kənd Sənətkarlıq evi Salyan rayonu, Abad kəndində yerləşir. Dövlət əmlakının ümumi faydalı sahəsi 1208 kvadratmetrdir. Sifarişçi torpaq sahəsi ilə birgə bu əmlaka sahib olmaq üçün 25 min manat təklif edib. Cəlilabad rayonunda Qarakazımlı kənd Mədəniyyət evi, Asfalt zavod sexinin yarımçıq tikilisi, Tərtər rayonunda Sarov kənd klubu da özəlləşdirilən dövlət müəssisələridir.
Bakı və Sumqayıtda yerləşən qeyri-yaşayış sahələri müxtəlif sahələr üzrə xidmət fəaliyyəti üçün uğurlu seçimdir. Bu obyektlərin ümumi faydalı sahəsi 33,7 kvadratmetr ilə 97,8 kvadratmetr aralığındadır. Binəqədi rayonu, Ə.Naxçıvani küçəsindəki qeyri-yaşayış sahəsinin ümumi faydalı sahəsi 49,8 kvadratmetrdir. Sifarişi elektron formada vermiş vətəndaş bu əmlaka sahib olmaq üçün 6 min manat təklif edib. Keçirilən hərracın nəticələri ilə tanış olmaq istəyən şəxslər komitənin rəsmi saytı və Özəlləşdirmə portalına daxil ola bilər.
Qeyd edək ki, komitə tərəfindən növbəti hərrac oktyabrın 2-də keçiriləcək. Prosesə ümumilikdə 93 dövlət əmlakı çıxarılıb. Onlardan 21-i səhmdar cəmiyyət, 37-si kiçik dövlət müəssisə və obyekti, 30-u qeyri-yaşayış sahəsi, 5-i isə nəqliyyat vasitəsidir.

Bu xəbər oxundu
- - -