Xalq Cəbhəsi Qəzeti logo
Xalqın səsi
ilham

Gürcüstanda “donuz qripi” adlı virus yoxdur

18.01.19, 14:34
Facebook-da paylaş Twitter-da paylaş Google-da paylaş Yahoo
Bu xəbəri paylaş
 

"Hazırda çox soruşulan suallardan biri budur ki, Gürcüstanda olan "donuz qripi" Azərbaycana gələ bilərmi? Amma Gürcüstanda “donuz qripi” adlı virus yoxdur".
Bunu Ümumdünya Səhiyyə Təşkilatının Azərbaycandakı nümayəndəsi Hande Harmancın deyib.
Hande Harmancının sözlərinə görə, Gürcüstanda olan xəstəlik dünyada 10 ildir dolaşan mövsümi qrip virusunun yaratdığı qrip xəstəliyidir:
“Bununla yanaşı, builki vəziyyət ötən illərə nsbətən daha sakit keçir. Dünya ölkələrinin laboratoriyalarında qrip virusları ilə bağlı nümunələri öyrənir və onun yeni olub-olmadığı araşdırılır. Dəyişikliklərin baş verib-vermədiyini bilmək çox önəmlidir. Çünki tam yeni virus yaranarsa, bütün dünyada 2009-cu ildə olduğu kimi bir pandemiya ola bilər. Amma hazırda belə bir durum müzakirə mövzusu deyil".
Hande Harmancın deyib ki, Səhiyyə Nazirliyinin də məlumatlarına görə, Azərbaycanda virusla bağlı vəziyyət nəzarət altındadır.
ÜST nümayəndəsi insanların qripə qarşı peyvənd edilməsini də vacib sayıb.

Bu xəbər oxundu
- - -