|
|
|
|
BTQ-ni "Əsrin layihəsi"nə çevirən reallıqlar
Zahid Oruc: "Bundan sonra Ermənistanı iqtisadi təcriddən çıxarmaq çox çətin olacaq"
Ramiz Mikayıloğlu
Ötən gün Marabdada (Cənubi Osetiya, Samse-Cavaxetiya regionu) Azərbaycan, Gürcüstan və Türkiyənin nəqliyyat sistemlərini birləşdirəcək Bakı-Tiflis-Qars (BTQ) dəmir yolu tikintisinin təməlqoyma mərasimi keçirildi. Layihədə 105 kilometr yeni magistralın tikilməsi nəzərdə tutulur. Bunun 29 kilometri Gürcüstan, 76 kilometri isə Türkiyə ərazisinə düşür. Bundan başqa, 183 kilometrlik Axalkələki-Marabda-Tiflis dəmir yolu yenidən qurulacaq. Bakı-Tiflis-Qars dəmir yolu istifadəyə veriləndən sonra birinci mərhələdə ildə 5 milyon ton yük daşınacaq. Sonra yüklərin həcmi artırılacaq.
Artıq yolun Gürcüstan hissəsinin tikintisi üzrə işləri aparacaq şirkət müəyyən olunub. Bu, Azərbaycanın "Azərinşaat Servis" şirkətidir. Dəmir yolunun Gürcüstan hissəsinin tikintisi üçün Azərbaycan Gürcüstanın "Marabda-Karsi dəmir yolu" MMC-yə 25 il müddətinə illik 1 faizlə 200 milyon dollar kredit ayıracaq. Tikintinin başlaması münasibətiylə keçirilən tədbirdə dövlət başçıları BTQ-ni "əsrin layihəsi" adlandırıblar.
Millət vəkili Zahid Oruc deyir ki, bir neçə parametr artıq reallaşmaqda olan bu layihənin nə dərəcədə önəm daşıdığını və strateji əhəmiyyətini göstərir. BTQ-nin iqtisadi mahiyyətini təhlil edəndə ölkələr qrupunun böyük mənfəət götürəcəkləri ortaya çıxır. Yük daşımalarda qiymətlər 30 faiz aşağı düşəcək və daha qısa müddət ərzində daşınmalar həyata keçiriləcək. Daha böyük həcmdə yüklərin bu dəmiryolu xəttiylə daşınacağı yönündə gözləntilər var. BTQ-nin fəaliyyət göstərməsi region ölkələrinin milyardlarla dollar gəlir götürməsinə yol açacaq. Başqa tərəfdən, nəqliyyat-kommunikasiya xətləri hər bir ölkənin coğrafiyasından irəli gələn məsələ deyil, daha çox təhlükəsizlik xarakteri daşıyır. Nəqliyyat-kommunikasiya xətləri uğrunda çarpışmalar böyük geosiyasi əhəmiyyətə alikdir. Onun sözlərinə görə, layihənin raellaşması bu coğrafiyada yerləşən ölkələrin beynəlxalq təhlükəsizlik xəttinə qoşulması demək olacaq: "Çünki BTQ bu xəttə hazırda qoşulmayan, ancaq gələcəkdə qoşulmaq üçün müraciət edən dövlətlərin də maraqlarını təmin edəcək. Amma indi təəssüf ki, bu maraqlar əks maraqlar kimi özünü təzahür etdirir. Bu halda Qərbin də bir çox maraqlarının uzlaşmadığını deyənlər də oldu. Baxmayaraq ki, Qərb təşkilatları ilkin dönəmdə donor rolunda çıxış etməkdən imtina etdilər və bu, Ermənistanın maraqlarıyla əlaqələndirildi. Hesab edirəm ki, həmin qurumlar bu məsələyə qarşı çıxmaq istəsəydilər, bunun üçün əllərindəki minlərlə institutları, QHT-ləri işə salardılar. Məncə, bir az neytarl mövqedə qalmaqla alt qatda həmin dairələrin də maraqları təmin olunub".
Zahid Oruca görə, BTQ-nin əsrin layihəsi olduğunu sübuta yetirən digər bir məqam da var: "Bu, "Böyük İpək Yolu"nun başqa bir variantda reallaşmasıdır. Xüsusən də Çinin yüklərini dəmir yolu ilə daşıması çox böyük önəm daşımış olacaq. Layihənin Azərbaycan üçün özəl əhəmiyyəti budur ki, biz bir daha nəqliyyat xətləri uğrunda savaşda əsas düşmənimiz olan Ermənistanı kənarda qoymaqla müharibəni bütövlükdə udmuş oluruq. Bundan sonra Ermənistanı iqtisadi təcrid vəziyyətindən çıxarmaq çox çətin olacaq. Digər tərəfdən, BTQ-dən götürülən mənfəətlər Azərbaycanı Ermənistan üçün daha əlçatmaz edəcək. Azərbaycanın Ermənistanla iqtisadi savaşı udması, siyasi münaqişəni bu müstəviyə keçirməsi, bununla da tərəfdaşlar qazanmaq strategiyası özünü doğrultmuş oldu. Mənə elə gəlir ki, BQT-nin bizim üçün "Əsrin layihəsi" olması bu məqamlarıyla ölçülməlidir". |
|
Sumqayıt hadisələrinin istintaqı yenilədi
Baş Prokurorluq bununla bağlı ölkə vətəndaşlarına müraciət edib
Azərbaycan Respublikası Baş Prokurorluğunun Ağır Cinayətlərə Dair İşlər üzrə İstintaq İdarəsində 1918-1920-ci illlərdə Azərbaycanın Bakı quberniyası, Quba, Şamaxı qəzaları və digər bölgələrində erməni-daşnak silahlı dəstələri tərəfindən yerli dinc azərbaycanlıların işgəncələr verilməklə kütləvi surətdə qətlə yetirilməsi, əmlaklarının talan edilməsi, yandırılması, dağıdılması, əhali üzərində zorakılıqların törədilməsi və sair faktlarla əlaqədar cinayət işinin istintaqı davam etdirilir.
|
 |
|
|
 |
|
| MƏZƏNNƏLƏR |
|
| DOLLAR |
| 0,8247 |
| AVRO |
| 1,292 |
| RR |
| 0,0348 |
|
|
|
|
|
|
