İranda neft-kimya zavodunda yanğın baş verib.

APA-nın Tehran bürosunun məlumatına görə, yanğın İmam Xomeyni adına neft-kimya iqtisadi zonasında yerləşən zavodların birində bu gün səhər baş verib.

Bildirilir ki, yanğın Hamun Cənub şirkətinin zavodunda qeydə alınıb və yanğınsöndürənlərin səyi nəticəsində bir neçə saat sonra söndürülüb.

Yanğın nəticəsində zavoda ciddi ziyan dəyib.

Ölən və yaralanan olmayıb.