Türkiyə müdafiə naziri Hulusi Rusiyanın tənqidinə cavab olaraq Türkiyənin Suriyanın şimal-şərq İdlib regionunda atəşkəsi pozan üsyançı qruplara qarşı gücdən istifadə edəcəyini söylədiyi bildirilir. Türkiyə prezidenti Tayyib Ərdoğan deyib ki, Türkiyə bir əsgərinin belə xəsarət alacağı təqdirdə Suriyanın hər bir yerində Rusiya tərəfindən dəstəklənən Suriya qüvvələrini havadan, ya da qurudan vuracaq. Son bir həftə ərzində Suriya qüvvələri tərəfindən 13 Türkiyə əsgəri öldürülüb.
Suriya prezidenti Bəşər Əsədi dəstəkləyən Rusiya Türkiyəni Moskva ilə Suriya ilə bağlı əldə etdiyi razılıqlara məhəl qoymamaqda və İdlibdəki vəziyyəti çətinləşdirməkdə günahlandırıb. Kreml bildirib ki, Ankara 2018-ci il razılığına əsasən orada militantları neytrallaşdıra bilməyib. Həmin razılığa əsasən orada de-eskalasiya zonası yaradılmalı idi.
Dövlətə məxsus Anadolu xəbər agentliyinin məlumatına görə, Akar Rusiyanın tənqidinə cavab olaraq deyib ki, Türkiyə regionda atəşkəsə əməl olunduğunu təmin və əraziyə “nəzarət etmək” məqsədilə İdlibə əlavə qüvvə göndərir.
"Atəşkəsi pozanlara, o cümlədən radikallara qarşı gücdən istifadə olunacaq, hər bir tədbir görüləcək" - deyə, Akar yanvarın 12-də əldə olunan atəşkəsə istnadən bildirib. Ankara Əsədin qüvvələrinin həmin atəşkəsi pozduğunu bildirir. Ankara ötən həftədən bəri İdlbdəki hərbi postlarına 1000-dən çox qoşun göndərib.
Ərdoğan çərşənbə günü deyib ki, Ankara münaqişədə dəstək olduğu üsyançılara “nizamsız” şəkildə hərəkət etməməyə və Suriya qüvvələrinə hücum etmələri üçüm bəhanə verməməyə çağırıb. Üsyançılar millətçi fraksiya ilə islamçı miltanltardan ibarətdir.
NATO müttəqifi və ittifaqın ikinci ən böyük ordusuna sahib olan Türkiyə dəfələrlə Rusiyanı Suriyanın İdlibə hücumlarının qarşısını almağa çağırıb və xəbərdarlıq edib ki, Suriya qüvvələri ayın sonunadək ərazidən çıxmasa onları ərazidən qovmaq üçün hərbi gücdən istifadə edəcək. Ankara və Moskva münaqişədə rəqib tərəfləri dəstəkləyir, lakin onlar daha öncə müharibəyə siyasi həll yolu tampaq üçün əməkdaşlıq edib.