Bakıda xarici ölkə vətəndaşları yol qəzasında ölüb.

Daxili İşlər Nazirliyindən Trend-ə verilən məlumata görə, hadisə iyulun 23-də saat 11 radələrində Qaradağ rayonunun Qobustan qəsəbəsi ərazisində baş verib.

Qəsəbə sakini H.Həsənov idarə etdiyi “Mitsubishi” markalı avtomobili aşırıb. Nəticədə sərnişinlərdən Hindistan vətəndaşları Pervin Shroff və Malhotra Neena hadisə yerində ölüb, sürücü və digər sərnişin isə xəstəxanaya yerləşdiriliblər.
Qaradağ Rayon Polis İdarəsində araşdırma aparılır.