Azərbaycan slovakiyalı investorlara əlverişli biznes mühiti və cəlbedici investisiya şərtləri təklif edir.

"APA-Economics" xəbər verir ki, bunu Azərbaycan-Slovakiya biznes forumunda iqtisadiyyat nazirinin müavini Anar Axundov deyib.

"Qarabağ və Şərqi Zəngəzur iqtisadi rayonlarının yenidən qurulmasında digər xarici şirkətlərlə yanaşı, Slovakiya şirkətləri də iştirak edir. Ağdam rayonunun Qərvənd kəndində Slovakiya şirkətləri tərəfindən uğurla həyata keçirilən “Ağıllı kənd” layihəsi ölkələrimiz arasında əməkdaşlığın daha da genişləndirilə biləcəyini nümayiş etdirir", - deyə A.Axundov bildirib.