Azərbaycan Silahlı Qüvvələrinin general-mayoru, Vətən Müharibəsi Qəhrəmanı, Müdafiə Nazirliyinin Əlahiddə Ümumqoşun Ordunun Komandanı, Quru Qoşunlarının 5-ci Ordu Korpusunun Komandiri, Xüsusi Təyinatlı Qüvvələr Komandanının birinci müavini – Qərargah rəis Kənan Seyidovun bu gün doğum günüdür.

Faktor.az xatırladır ki, Kənan Seyidov 1974-cü il dekabr ayının 23-də İmişli rayonunun Bəhrəmtəpə qəsəbəsində doğulub. O, 1981–1992-ci illərdə İmişli rayonunun Bəhrəmtəpə orta məktəbində təhsil almışdır. 1992-ci ildə Bakı Ali Birləşmiş Komandanlıq Məktəbinə qəbul olan Kənan Seyidov 1993-cü ildə Qarabağ müharibəsində iştirak etmiş, 1994-cü ildən Bakı Ali Birləşmiş Komandanlıq Məktəbində təhsilini davam etdirmiş və həmin ildə məktəbi vaxtından əvvəl bitirərək yenidən Qarabağ müharibəsinə qatılmışdır. O, 2000-ci ildə Azərbaycan Beynəlxalq Universitetinin qiyabi şöbəsinə daxil olub, 2005-ci ildə həmin unversiteti hüqüqşünas ixtisası ilə bitirib. 2005–2007-ci illərdə Azərbaycan Respublikası Silahlı Qüvvələrinin Hərbi Akademiyasında təhsil almışdır.

Kənan Seyidov uzun illər Xüsusi Təyinatlı Qüvvələrdə xidmət edib. 24 iyun 2003-cü ildə "Azərbaycan Bayrağı" ordeni ilə, 24 iyun 2014-cü ildə "Vətən uğrunda" medalı ilə, təltif edilib. 2016-cı ilin 2–5 aprelində Azərbaycan–Ermənistan arasında baş verən silahlı toqquşma zamanı fərqlənib, 20 aprel 2016-cı ildə "İgidliyə görə" medalı ilə təltif edilib.

Xüsusi Təyinatlı Qüvvələr Komandanının birinci müavini – Qərargah rəisi vəzifəsinə təyin olunub. 2020-ci ilin sentyabrın 27-də başlanan Qarabağ müharibəsi zamanı Cəbrayıl, Füzuli və Şuşanın azad edilməsi uğrunda gedən hərbi əməliyyatlar zamanı fərqlənib.
1-ci, 2-ci və 3-cü dərəcəli "Qüsursuz xidmətə görə", "Azərbaycan Silahlı Qüvvələri Veteranı" medalları, həmçinin Azərbaycan Silahlı Qüvvələrinin 10, 90 və 95 illiyi, "Azərbaycan Ordusunun 100 illiyi", "Heydər Əliyevin 100 illiyi" yubiley medalları ilə də təltif edilib

“Əsgərə Xatirə” layihəsinin rəhbəri, ictimai, vətənpərvər xadim Nuranə Şıxəliyeva və layihənin bütün kollektivi general mayor Kənan Seyidovu təbrik edir, sağlam və uzun ömür arzulayır.

Ordu quruculuğunun inkişafında müstəsna yeri olan Kənan Seyidov hər zaman dövlətə, dövlətçiliyə sədaqəti ilə seçilmişdir.

Vətənə sevgidir, dövlətə, dövlətçiliyə sədaqətdir!
Doğum gününüz mübarək!