Sumqayıtda 16 yaşlı yeniyetməni avtomobil vurub - YENİLƏNİB Hadisə

Sumqayıtda 16 yaşlı yeniyetməni avtomobil vurub - YENİLƏNİB

13.12.2025-ci il tarixində saat 19:10 radələrində Sumqayıt Tibb Mərkəzinin Uşaq Xəstəxanasına 2009-cu il təvəllüdlü şəxs (qadın cinsli) hospitalizasiya olunub. Sözügedən şəxsə xəstəxananın Təcili tibbi yardım şöbəsində zəruri tibbi yardımlar göstərilib.

APA xəbər verir ki, bu açıqlamanı Sumqayıt Tibb Mərkəzi verib.

Məlumata görə pasiyent sağ körpücük sümüyün atromial sınığı, sol bazu sümüyünün yuxarı üçdə birinin yerdəyişməyən sınığı diaqnozları və kəllə-beyin travması diaqnozu şübhəsilə Reanimasiya şöbəsinə yerləşdirilib.

Vəziyyəti orta ağır qiymətləndirilir.

***

20:21

Sumqayıtda 16 yaşlı yeniyetmənin vurulması ilə nəticələnən yol-nəqliyyat hadisəsi baş verib.

APA xəbər verir ki, hadisə Ş. Bədəlbəyli küçəsində qeydə alınıb.

Belə ki, yolu keçmək istəyən 2009-cu il təvəllüdlü M. Fatiməni avtomobil vurub.

Piyada Sumqayıt şəhər uşaq xəstəxanasına çatdırılıb.

Fakt araşdırılır.