61 illik Baas rejiminin devrilməsindən sonra azadlığını qazanan Suriyanın Türkiyə ilə əlaqələri günü-gündən güclənərkən, Türk Hava Yolları (THY) 13 ildən sonra ilk İstanbul-Dəməşq uçuşunu həyata keçirib.

Xalqcəbhəsi.az xəbər verir ki, bu barədə Türkiyənin “sabah.com.tr” saytı məlumat paylaşıb.

Məlumatda bildirilir ki, İstanbuldan səhər saat 09:00-da 349 sərnişinlə havaya qalxan Boeing 777 tipli sərnişin təyyarəsi saat 11:00-da Dəməşq Beynəlxalq Hava Limanına enişi ilə yeni dövrün qapıları açılıb.

Qeyd edək ki, Şama ilk uçuşunu 1984-cü il fevralın 22-də həyata keçirən THY, ölkədəki daxili iğtişaşlar səbəbindən 2012-ci il aprelin 1-də ölkəyə uçuşları dayandırmaq qərarına gəlib. THY-nin yenidən başlatdığı Şam səfərində duyğulu anlar yaşanıb. Səhər saatlarında İstanbul Hava Limanına gələn sərnişinlərdən bəziləri minmə qapısı qarşısında öz sevinclərini nümayiş etdirib.