Kürdəmir rayonunda 26 yaşlı oğlan atasının iş yerində qəfildən ölüb.

Xalqcebhesi.az Report-a istinadən xəbər verir ki, hadisə rayonun Ərşəli kəndində qeydə alınıb.

İlkin məlumata görə, 1999-cu il təvəllüdlü Fərzəliyev Fərasət Azad oğlu atasının işlədiyi avtoyuma servisinə gəlib. Bu zaman o, ürəktutmasından müvazinətini itirərək yıxılıb və həyatını itirib.

Onun meyiti müayinə olunması üçün aidiyyəti üzrə təhvil verilib.

Fakt araşdırılır.