13:42

Bu gün saat 08:50-də yerinə yetirilməli olan AZAL aviaşirkətinin J2 8230 nömrəli Tiflis-Bakı reysi təxirə salınıb.

Xalqcebhesi.az Teleqraf-a istinadla xəbər verir ki, bu barədə Tiflis aeroportunun məlumatında bildirilib.

Məlumata əsasən, reys bu gün saat 18:00-a təyin olunub.

Reysin təxirə salınmasının səbəbi açıqlanmır.

***

Azərbaycan Hava Yolları (AZAL) QSC-nin J2-8230 nömrəli Tiflis-Bakı reysi texniki səbəblərdən gecikir.

Bu barədə AZAL-dan bildirilib.

Məlumata görə, sərnişinlər aviaşirkətin qaydalarına uyğun olaraq bütün zəruri vasitələrlə təmin olunurlar.

Əlavə suallar yaranarsa, sərnişinlər [email protected] elektron poçt ünvanı vasitəsilə aviaşirkətə müraciət edə bilərlər.

"AZAL üçün uçuşların təhlükəsizliyinin bir nömrəli prioritet olduğunu və yaranmış narahatlığa görə üzrxahlığımızı bildiririk", - deyə aviaşirkət bəyan edib.

***

Bu gün texniki səbəblərə görə təxirə salınan AZAL-ın J2 8230 nömrəli reysinin təyyarəsi Tiflisdən Bakıya istiqamət götürüb.

Teleqraf xəbər verir ki, təyyarə Tiflis aeroportundan saat 20:15-də havaya qalxıb.