"Azərbaycanla Rusiya arasında dostluq münaibətlərinin böyük tarixi var".

APA-nın məlumatına görə, bunu jurnalistlərə İ.M.Seçenov adına Birinci Moskva Dövlət Tibb Universitetinin Bakı filialının 2021-ci ildə ilk məzun buraxılışına həsr olunmuş tədbirdə səhiyyə nazirinin birinci müavini, səhiyyə nazirinin vəzifələrini icra edən Teymur Musayev bildirib.

Səhiyyə nazirinin birinci müavini deyib ki, artıq 200 min doza "Sputnik V" vaksini Azərbaycana çatdırılıb.

Qeyd edək ki, İcbari Tibbi Sığorta üzrə Dövlət Agentliyi ilə Rusiyanın "HUMAN VACCINE" MMC Şirkəti arasında imzalanmış dərman vasitəsinin tədarükünə dair təchizat sazişinə əsasən, ümumilikdə 300 000 doza "Sputnik V" dərman vasitəsi Azərbaycana gətiriləcək.