Azərbaycan Respublikası Mədəniyyət Nazirliyinin dəstəyi, Azərbaycan Dövlət Akademik Opera və Balet Teatrı və Bülbül Vokal Məktəbinin təşkilatçılığı ilə keçirilən IV Azərbaycan Vokalçıları Festivalı çərçivəsində rus bəstəkarlarının ariya və romanslarından ibarət konsert proqramı baş tutub.

Konsert proqramında Xalq artisti Gülnaz İsmayılova, Əməkdar artistlər Fərid Əliyev, Anton Ferştandt, Azərbaycan Dövlət Akademik Opera və Balet Teatrının solistləri Nigar Cəfərova, İqor Yadrov, Nina Makarova, Ruslan Persan Pyotr Çaykovski, Aleksandr Darqomıjski, Nikolay Rimski-Korsakov, Sergey Raxmaninovun əsərlərini səsləndiriblər.

İfaçılari fortepianoda Daniil Kirillov və Dilarə Kərimova müşayiət edib.