Azərbaycan Kinematoqrafçılar İttifaqı “Tənha insanın monoloqu” bədii filminin yaxın gələcəkdə festivallarda iştirakını təmin etmək məqsədilə ingilis dilinə tərcüməsinin redaktəsinə və DCP formatda nüsxəsinin hazırlanmasına maliyyə dəstəyi ayırıb.

İttifaqdan bildirilib ki, psixoloji ailə dramı janrında olan film, müharibədən və ata-oğul münasibətlərindən bəhs edir.

Filmin rejissoru və ssenari müəllifi Emin Əfəndiyev, operatoru Daniel Quliyev, prodüseri Sərvər Bayramov, rəssamı Arif Niftiyev, bəstəkarı Azər Hacıəsgərlidır. Filmdə baş rolları Mahir Dərviş və Elşən Əsgərov canlandırıblar.

Ekran əsəri Azərbaycan Respublikasının Kino Agentliyinin dəstəyilə “Shahdagfilm” studiyasında istehsal olunub.