Avstriya Respublikasının Salzburg şəhərində fəaliyyət göstərən Azərbaycan Evində həftə sonu dərsləri davam edir.

Uşaqların qış tətilindən sonra yenidən həftə sonu dərslər bərpa olunuv.

İstər azərbaycanlı balalar istərsə də yerli sakinlərin uşaqları Salzburg Azərbaycan Evini sevir və bu məkan körpələrin sevimli məkanıdır. Burada uşaqlar Azərbaycan dili, Riyaziyyat, alman dili və Rəsm dərsləri keçrilir.

Bu həftə uşaqlara Azərbaycan dili və alman dili dərslərindən sonra oxu saatı elan olunub. Uşaqların bu dəfə seçdikləri kitab dahi azərbaycanlı yazar Mir Cəlal Paşayevin alman dilində tərcümə olunan “Azərbyacandan hekayələr” olub. Öncə körpə qonaqlarımıza Mir Cəlal barədə geniş məlumat verildi onun həyatı barədə geniş ekranda video rolik göstərilib.

Müasir Azərbaycan ədəbiyyatının bünövrəsini qoyan tanınmış ədiblər nəslinə mənsub Mir Cəlal çoxcəhətli insan olduğu kimi, əsərləri də öz rəngarəngliyi- janr müxtəlifliyi, mövzu zənginliyi, ana dilimizin lüğət tərkibindən məharətlə istifadə bacarığı, bir sözlə, geniş üslub və bədii forma imkanları ilə seçilir.

Görkəmli nasirin qızı, ədəbiyyatşünas alim Ədibə Paşayeva, avstriyalı azərbaycanşünas xanım Liliane Qrimmin səyi nəticəsində ərsəyə gəlmiş “Azərbyacandan hekayələr” kitabında Mir Cəlalın yaradıcılığının müxtəlif dövrlərini əhatə edən incə yumor və kəskin satira, eləcə də dərin lirik hisslərlə yazılmış hekayələri toplanmışdır. Satirik hekayələrində ustad sənətkar yumor pərdəsi altında həssas oxucuya tipik obrazların timsalında ötən əsrdə Azərbaycanda hökm sürən sovet bürokratiyasını təqdim edir. Lirik notlarla qələmə alınmış hekayələrdə isə XX əsr zəhmətkeş Azərbaycan insanı, cəmiyyəti və dövrün aktual mövzuları bədii cizgilərlə təsvir olunur. Yazıçının bugünkü Avropa oxucusunun bədii zövqünə uyğun gələn, XX əsrdə Azərbaycan həyatının canlı mənzərəsini yaradan və yüksək bədii keyfiyyətə malik çoxsaylı hekayələrindən seçmə əsərlər kitaba daxil edilmişdir.

Oxu saatında “Azərbyacandan hekayələr”ni oxuyan kiçik qonaqlarımız kitabda yazılan hekayələri çox bəyəndiklərini bildirdilər.

Sonda balaca qonaqlarımıza Mir Cəlalın alman dilinə tərcümə olunan “Azərbyacandan hekayələr”i kitabı hədiyyə olundu.

Cavid