“Azərbaycan artıq bölgədəki reallıqları dəyişib. Buna görə bu gün bir sıra güclər üzərimizə gəlirlər”.
Bu sözləri xalqcəbhəsi.az-a açıqlamasında millət vəkili Arzuxan Əlizadə deyib.
Onun sözlərinə görə, onlar təkcə erməni sevgisindən üstümüzə gəlmirlər, sadəcə olaraq, bu yolda ermənilərdən istifadə edirlər: “Bunun səbəbi isə, Azərbaycanın müstəqil siyasət yürütməsidir. Azərbaycan torpaqlarını işğaldan azad etmək və regionun əsas dövlətinə çevrilməklə böyük güclərin bu regionda olan məkrli planlarının üstündən xətt çəkib. Zəif olsaydıq bizi saymazdılar. Biz güclüyük deyə üzərimizə gəlirlər, hansısa güzəştlərə gedilməsini istəyirlər. İstənilən halda mən yürüdülən xarici siyasətimizi uğurlu hesab edirəm”.

Günel Elxan