“ABŞ Gürcüstanla strateji tərəfdaşlığı dayandırır. ABŞ Dövlət Departamentinin sözcüsü Miller bu haqqda yazdığı tviti bir dəfə sildi, ikinci tvitinə düzəliş etdi, amma postun mahiyyəti dəyişmədi. Millerin tviti ilə eyni vaxtda Gürcüstan prezidenti Salome Zurabişvili “parlamentin legitim olmadığı”nı əsas gətirib mandatının başa çatmasına baxmayaraq istefa verməyəcəyini bildirdi.
Hələlik vəziyyət belədir ki, etirazlar Tiflisdən kənara da yayılıb və artıq Batumi, Kutaisi, Rustavi və digər şəhərlərdə nümayişlər keçirilir.
Etirazçıların ölkənin əsas magistral yollarını bağlamağa başladığı barədə xəbərlər var. Gürcüstan hökumətinin yanlışlıqları da var. Məsələ ondadır ki, son 2 ildə ölkədə kənar nüfüz təmsilçiləri kimi fəaliyyət şəbəkələri gündəlik təbliğatla cəmiyyəti Gürcüstan hökumətinin avrointeqrasiyadan yayınmaqda ittiham edirdilər. Təqdimat belə idi ki, onların belə bir təşəbbüsü var”.
Bunu xalqcəbhəsi.az-a açıqlamasında politoloq Yeganə Hacıyeva söyləyib.
Y.Hacıyeva əlavə edib ki, bu tezsiz cəmiyyətdə və ictimai şüurda artıq otuzdurulub. Gürcüstan cəmiyyətində bu, hazırkı zaman üçün hakim tezisdir: “Hökumətin də son addımlarında cəmiyyətə sırınmış bu ideyanı təsdiqləməsi, gərginliyə təhrik rolunu oynadı.
Avropa Birliyinə cavab olaraq bu günlərdə elan olunan Avropa inteqrasiya addımlarını 2028-ci ilə kimi dayandırılır məsələsi də əslində elə müxalifətin və kənardan maraq təmsilçiləri olan şəbəkələrin Gürcüstan hakimiyyətinə qarşı arqumentini möhkəmləndirmək idi.
Baxmayaraq ki, bu elə Avropa İttifaqının təşəbbüsü idi, lakin indi bu fərqli göstərilir. Məsələ ondadır ki, avrointeqrasiya ilə bağlı təşəbbüslər Gürcüstanda cəmiyyətin bir hissəsinin və ya müxalifətinin deyil, Gürcüstan konstitusiyasının da şərtidir. Bunu faktı isə da bu mərhələdə “gözardı ” etmək cəmiyyətin qıcığına səbəb olur”.

Röya İsrafilova