“Co Bayden prezidentliyinin son dövrlərinə yaxın öz rəsmi səlahiyyətlərindən istifadə edərək qanun pozuntusu törətmiş övladının əfvini həyata keçirdi. Deyə bilər ki, bu, prezidentliyin səlahiyyətidir, ona görə həyata keçirib. Amma bu, prezidentliyin səlahiyyəti olsa belə əgər bunu həyata keçirirsə, digər ölkələrdə də müəyyən mənada bu cür addımların atılması zamanı, yəni söhbət qanunsuz olaraq əfvetmədən deyil, daha çox humanizm prinsiplərinə gələrək əfvetmə həyata keçirən ölkələrə də məsələ ilə bağlı irad tutmamalıdırlar”.

Bu sözləri xalqcəbhəsi.az-a açıqlamasında siyasi şərhçi Samir Hümbətov deyib.

Siyasi şərhçi vurğulayıb ki, əgər o, cinayətkardırsa, onun cəzası verilməlidir, həbsdə təyin olunan cəzanı tam olaraq çəkməlidir: “Düşünürəm ki, Bayden administrasiyası dünyaya hər nə qədər demokratiya, insan haqları dərsi keçməyə çalışsa da, amma reallıq budur ki, özlərinin atdıqları addımlar nə demokratiyaya, nə də insan haqlarına uyğundur. Əksinə, bu addımlar beynəlxalq dəyərləri, haqları pozur. Əgər elə bir hal yaşayırlarsa, başqalarına da hər hansı bir formada irad tutmaq haqları və hüquqları yoxdur. Məncə bu cür qəbul etmək lazımdır. Çünki özü qanunsuzluqları edib başqasına həmin qanunsuzluqlarla bağlı göstəriş verməyi məntiqə və qanuna sığan hərəkət kimi dəyərləndirə bilməz”.

Röya İsrafilova