“Üzərində razılaşdırılmayan məqamlardan biri Cənab Prezident İlham Əliyevin Dmitri Kselyova müsahibəsində belə aydın olur ki, müşahidəçi missiyanın bölgədən çıxarılması, yəni vaxtının uzadılması ilə bağlı Bakının narahatlığının olması məsələsi və buna paralel elə bu məsələnin tərkib hissəsi olaraq da ATƏT-in Minsk qrupunun formatının ləğv edilməsi ilə bağlıdır. Bilirik ki, Ermənistan tərəfi sərhəd xəttində hələ də müəyyən səpkilərdə təxribat ritorikasına əl ataraq, konfrantasiyanın məzmununu genişləndirərək yeni vasitəçilərin bölgədə varlığına ehtiyacı gündəmə gətirməyə çalışır”.

Bu sözləri xalqcəbhəsi.az-a açıqlamasında siyasi elmlər üzrə fəlsəfə doktoru, politoloq Züriyə Ruslanqızı deyib.

Z.Ruslanqızı əlavə edib ki, bir müddət öncə bölgədə sülh quruculuğuna töhfə vermək məqsədi ilə Ermənistan sərhədləri çərçivəsində yerləşdirilən, “mülki” adı verilən və tərkibi də dəfələrlə artırılan, mülkidən başqa bütün hərbi heyəti özündə ehtiva edən müşahidəçi bir missiya bölgəyə gətirildi: “Bununla bağlı Praqa görüşündə razılaşma əldə olunmuşdu. Ancaq onların Praqa görüşündə ifadə etdiyi hədəflərin heç biri bu iki il ərzində reallaşmadı. Bu gün yenə də sülh razılaşmasını dalana dirətməklə, tərəflər arasında etimad quruculuğu prosesinin formalaşmasına əngəllər yaratmaqla onlar beynəlxalq ictimaiyyətin diqqətinə çatdırmağa çalışırlar ki, tərəflər özləri öz aralarında razılaşa bilmirlər, təxribat ritorikasından yayına bilmirlər və a görə də müşahidəçi adı altında müəyyən missiyanın bölgəyə yerləşməsinə ehtiyac var. Bütün bu məqamları Azərbaycan Prezidenti İlham Əliyev aşkar şəkildə bildirir. Eyni zamanda da belə bir mötəbər platformadan beynəlxalq ictimaiyyətin də diqqərinə çatdırmış olur ki, bütün bu məqamlar Ermənistan və onun havadarları tərəfindən süni formada yaradılan əngəllərdir”.

Röya İsrafilova