Erməni toplumunun ideoloji olaraq faşist bir toplum olduğu Ermənistanın ilk prezidenti Levon Ter-Petrosyanın 1994-cü ildə "Yerkrapa" terror təşkilatının üzvləri qarşısında son günlər yayılan çıxışından aydın görünür.

Bunu "Xalq Cəbhəsi"nə politoloq Azər Qasımov deyib.

Onun sözlərinə görə, Azərbaycana qarşı planlarından və yüz illərlə sonraya hesablanmış planlarının həyata keçirildiyindən danışmaqla yanaşı, onların Bakıda yaşayan erməniləri bunun üçün qurban seçdiklərini də qeyd etməsi ermənilərin necə xəstə toplum olduğunu da ortaya çıxarır. Bakı ermənilərini qurban etməklə onların Azərbaycandan deportasiyasını şərtləndirən vəziyyətin guya Azərbaycanın Ermənistana təzyiq üsullarını azaldığını, Ermənistanın demoqrafik problemini Bakıdan qayıdan ermənilər hesabına həll etdiklərini bildirməsi əsl nasizm metodlarıdır, irqi diskriminasiyadır:

"Bu, erməni idarəçilərin öz toplumunun çəkdiyi əzab və əziyyətlərin onların xəstə ideololigiyaları qarşısında əhəmiyyətinin olmadığını göstərir.

O, həmçinin Basarkeçər, Zəngəzur və Zəngibasar bölgələrində azərbaycanlıların ermənilərdən sayca çox olduğunu etiraf etməklə tarixi faktları ortaya qoyur. Həmin ərazilərin Azərbaycan əraziləri olduğunu dolayısı ilə etiraf edir, təbii ki, bütün Ermənistan ərazisinin tarixi Azərbaycan torpaqları olduğu kimi.
Amma Petrosyan tarixin bir gün onların yox, Azərbaycanın yazacağını görə bilməyib. Ondakı etiraflarının bir gün özlərinin əleyhinə işləyəcəyini dərk etməyib.

Bu etiraflar əslində o və onun kimi digər iki qondarma ölkə prezidentləri üçün yaxşı məhkəmə materiallarıdır. Beynəlxalq məhkəmədə onların əleyhinə dəlildir. Hər üç eks-prezidentin
etdikləri cinayətlərə görə cavab verəcəkləri gün artıq yaxındır.

30 ildən çox Azərbaycan xalqına və dövlətinə qarşı etdikləri cinayətlərin cəzasını mütləq çəkəcəklər".

Cavid