Azərbaycana qarşı Rusiya və İranın təhdidləri fonunda prezident İlham Əliyev yerli TV-lərə müsahibəsində ciddi mesajlar verdi. Azərbaycan İran və Rusiya ilə münasibətləri normal saxlamağa çalışıb. Amma, regional siyasi dəyişikliklər Tehran və Moskvanın dözümsüzlüyünü ortaya qoydu.

Bunu "Xalq Cəbhəsi"nə politoloq Məhəmməd Əsədullazadə deyib.

O, qeyd edib ki, hər iki qonşu ölkə Azərbaycana qarşı açıq təhdid siyasətinə keçdilər. Daima Azərbaycana qarşı Rusiya və İranın problem qonsu ölkələr olduğunun fərqindəyik. Azərbaycanın Türkiyə ilə müttəfiqliyi hər iki ölkədə narahatlıq yaradır. Azərbaycan Türkiyə ilə sıx siyasi əlaqələri koordinasiyalı etməli, ABŞ-la da strateji tərəfdaşlıq istiqamətində yanvardan sonra danışıqlar aparmalıdır:

"Azərbaycanın xarici siyasəti yeni mərhələyə keçməlidir. 30 il ərzində balans və manevr siyasəti indiki siyasi çağırışlara cavab vermir. Çünki, yeni siyasi nizam qurulur və balans siyasəti Moskva və Tehranın siyasətini neytrallaşdırılmasi istiqamətində yeni strategiya qurulmalıdır. Türkiyə prezidenti R. T. Ərdoğanın prezident İlham Əliyevə Tehran və Moskva arasında yaşanan siyasi böhran fonunda zəngi Ankaranın siyasi dəstəyi iki qonşu ölkəyə mesajıdır".

Cavid