"Gazprombank"ın proqnozuna əsasən, Azərbaycan Respublikasının Mərkəzi Bankı (AMB) qarşıdakı iclasın (29 mart) yekunlarına görə təkrar maliyyələşdirmə dərəcəsini yenidən 0,25 faiz bəndi qaldıraraq 8,75 faizə çatdıracaq.

Bunu Trend-ə "Gazprombank"ın Bazar konyunkturunun təhlili departamentinin rəis müavini Gulnara Haydarşina deyib

O bu cür ssenarini inflyasiyanın sürətlənməyə doğru dönüşü, mənfi real məzənnə şəraitində əhalinin depozitlərinin yüksək dollarlaşmasının davam etməsi, habelə pul kütləsinin azalması istiqamətində qeyri-sabit tendensiyanın xeyrinə əsaslandırır.

"Fevral iclasında AMB monetar şərtlərin normallaşdırılması tsiklini davam etdirərək gözlənildiyi kimi təkrar maliyyələşdirmə dərəcəsini 0,25 faiz bəndi artıraraq 8,5 faizə çatdırıb. Bundan başqa, monetar şərtlərin lazımi şəkildə tənzimlənməsi məqsədilə Mərkəzi Bank faiz dəhlizinin aşağı həddini 0,50 faiz bəndi qaldıraraq 6,75 faizə, yuxarı həddini isə 0,25 faiz bəndi qaldıraraq 9,5 faizə çatdırıb. Bu, bankın iqtisadiyyatda kredit fəaliyyətini idarə etmək imkanlarını genişləndirməyə imkan verib”, - Haydarşina deyib.

O öncəki iclasın yekunlarına əsasən, AMB-nin uçot dərəcəsini yenidən artırdığını və bunun stimullaşdırıcı fiskal siyasət və daxili bazara ciddi xarici valyuta axını şəraitində iqtisadi artımın potensial səviyyəni ötüb keçməsi ilə şərtləndiyini xatırladıb.

"Azərbaycan Respublikasının Mərkəzi Bankı dezinflyasiya tendensiyasının davam edəcəyi təqdirdə faiz dərəcəsinin artımında mümkün fasilə olacağına dair siqnal verib. Bununla belə, fevral ayında iqtisadiyyatda inflyasiya təzyiqi güclənib ki, bu da məzənnənin qaldırılması məsələsini gündəmdə saxlayır", - Haydarşina əlavə edib.