İran hökumətinin dəstəyi ilə Ərdəbil dəmir yolu xəttinin Parsabad və Azərbaycanla birləşdirilməsi üçün zəmin hazırlamaq məqsədəuyğundur.

Axar.az xəbər verir ki, bu barədə Ərdəbil, Nir, Nəmin və Səreyn şəhərlərinin İran parlamentindəki təmsilçisi Əli Nikzad deyib.

“Astara dəmir yolu xəttinin Azərbaycanla birləşdirilməsi mümkün deyil, çünki bölgə ərazisi bataqlıqdır, ancaq Ərdəbil-Parsabad dəmir yolunun Azərbaycanla birləşdirilməsindən optimal şəkildə istifadə etmək olar və bu, Cənub-Şimal dəhlizinin canlanmasına töhfə verə bilər”, - Nikzad bildirib.

Onun sözlərinə görə, Ərdəbil dəmir yolu xəttinin tamamlanması üçün İran Prezidenti Məsud Pezeşkianla da danışıqlar aparılıb.