Asiya İnkişaf Bankı buzlaqların əriməsinin təsiri ilə mübarizə aparmaq üçün yeni proqrama 3,5 milyard dollar maliyyə ayırdığını açıqlayıb.

APA-nın məlumatına görə, bunu COP29-un baş danışıqçısı, xarici işlər nazirinin müavini Yalçın Rəfiyev COP29 Prezidentliyinin bugünkü mətbuat konfransında bildirib.

“Bankın dayanıqlı su və ərzaq təhlükəsizliyi üzrə səyləri buzlaqların əriməsi və kövrək dağ silsilələri ilə təhlükə altında olanlar üçün real təsir göstərəcək. Azərbaycanın bank sektoru yaşıl layihələrə ədalətli keçidi və daha yaxşı cari investisiyaları dəstəkləmək üçün fəallaşıb. Azərbaycanın bank sektoru yaşıl və davamlı layihələr üçün 1,2 milyard dollar ayırıb. Azərbaycan Respublikasının Mərkəzi Bankı isə davamlı investisiyalar üçün yeni yaşıl taksonomiya tətbiq edib. Mən həmçinin Kanadanı iqlimin maliyyələşdirilməsinə və iqlim sülhü agentliyinin qurulmasına sadiqliyini vurğulamaq istəyirəm. Kanada hökuməti adaptasiyanı dəstəkləmək üçün 1,5 milyard ABŞ dolları dəyərində iqlim platforması elan etdi Kanadanın doqquz fondu və zavod təşkilatı gələn il ərzində iqlim layihələri üçün 290 milyon ABŞ dolları vəd edib”, - deyə Yalçın Rəfiyev bildirib.

O qeyd edib ki, COP29 Prezidentliyi qlobal fond bazarının nəticələrində irəliləyiş əldə etmək üçün bütün maraqlı tərəfləri toplamaq üçün çalışıb: “Prezidentin açılış nitqində dediyi kimi, yumşaldılma aydın prioritetdir. Lakin çox vaxt davamlı həllər onlara ehtiyacı olan ölkələr üçün əlçatmaz olur. Biz Dünya Bankının maliyyə institutları tərəfindən inkişaf etməkdə olan ölkələrdə bərpa olunan hidrogen layihələrinin tətbiqini dəstəkləməyin alqışlayırıq”.