Azərbaycanda kreditlər üzrə faiz dərəcələrinin ən yüksək həddi Dağlıq Şirvan iqtisadi rayonunda (Ağsu, İsmayıllı, Qobustan və Şamaxı) qeydə alınıb.

Xalqcebhesi.az Yeniavaz.com-a istinadən xəbər verir ki, Mərkəzi Bankın açıqladığı sonuncu statistik göstəricilərə görə, bu rayonlarda kreditlər üzrə orta faiz dərəcəsi 19,21% olub.

Ən aşağı faiz dərəcəsi isə paytaxt Bakıda (11,68%) müşahidə olunub.

Verilən kreditlərin 76,8%-i (20,8 milyard manat) Bakı şəhərinin payına düşdüyü üçün ölkə üzrə ümumi kredit faizləri aşağı (13,04%) olub.

Xarici valyuta ilə verilən kreditlər üzrə ən yüksək faiz dərəcəsi Mil-Muğan iqtisadi rayonunda (Beyləqan, İmişli, Saatlı və Sabirabad) qeydə alınıb. Bu rayonda xarici valyuta ilə verilən kreditlər üzrə faiz dərəcəsi 15,01% təşkil edib. Xarici valyuta ilə verilən kreditlər üzrə ən aşağı faiz dərəcəsi isə Gəncə-Daşkəsən iqtisadi rayonunda qeydə alınıb - 5,09%.