2025-ci ilin yanvar ayı ərzində Azərbaycan Mərkəzi Bankında (AMB) keçirilən 8 valyuta hərracında 498.8 milyon ABŞ dolları satılıb.

“APA-Economics” AMB-yə istinadən xəbər verir ki, bu göstərici ötən ilin müvafiq dövrü ilə müqayisədə 19.6 faiz çoxdur. Belə ki, ötən ilin yanvar ayı ərzində keçirilən 7 valyuta hərraclarında 417.1 milyon ABŞ dolları satılmışdı.

Qeyd edək ki, ötən il ərzində Azərbaycan Mərkəzi Bankında (AMB) keçirilən 95 valyuta hərracında 7 milyard 169,1 milyon ABŞ dolları satılıb.