Fevralın 12-da kriptovalyuta birjalarında "Bitkoin" yenidən bahalaşıb.

"APA-Economics" xəbər verir ki, dünyanın ən bahalı kriptovalyutası Bakı vaxtı ilə saat 09:24-də “CoinMarketCap” platformasında 0,90% bahalaşaraq 96 731 ABŞ dollarına yüksəlib.

Son bir gündə paralel olaraq "Ethereum"un qiymətində də artım müşahidə edilib. Sözügedən kriptovalyuta 4,39% dəyər qazanıb və qiyməti 2719 dollara bərabər olub. İlk beşlikdə olan XRP 2,5%, Tether 0,02%, BNB isə 12,33% bahalaşıb.

Qeyd edək ki, "Bitkoin"in ən yüksək qiyməti ötən il dekabrın 16-da qeydə alınıb və qiyməti 108 min dolları ötüb.