“Azərbaycan Dəmir Yolları” QSC (ADY) ölkə üzrə illik sərnişindaşımalarını 15 mln. nəfərə çatdırmağı planlaşdırır.

Xalqcebhesi.az xəbər verir ki, bunu jurnalistlərə açıqlamasında ADY sədrinin müavini Arif Ağayev bildirib.

“Bizim 2030 strategiyamızda ümumi ölkə üzrə daşımaları 15 milyon nəfərə çatdırmaq planlaşdırılır”, - Arif Ağayev bildirib.

Onun sözlərinə görə, ADY 2022-ci ildə 5,2 mln., 2023-cü ildə 7,1 mln., 2024-cü ildə 8,5 mln. sərnişin daşıyıb: “Sərnişindaşıma tempi illər üzrə göründüyü kimi artmaqda davam edir”.