2025-ci ilin yanvar-fevral aylarında Azərbaycanda banklar cəlb etdikləri depozitlər (əmanətlər) üzrə 197.6 milyon manat faiz ödəyiblər.

“APA-Economics” Azərbaycan Mərkəzi Bankına (AMB) istinadən xəbər verir ki, bankların depozitlər üzrə faiz xərcləri ötən ilin eyni dövrü ilə müqayisədə 57.5% və ya 72.1 milyon manat artıb. 2024-cü ilin müvafiq dövründə banklar 125.5 milyon manat depozit faizi ödəmişdilər.

Qeyd edək ki, cari il mart ayının 1-nə banklarda hüquqi və fiziki şəxslərin depozitlərinin həcmi ötən ilin müvafiq dövrü ilə müqayisədə 8.2% artaraq 37 milyard 837 milyon manata bərabər olub.

Xatırladaq ki, hesabat dövründə Azərbaycanda fəaliyyət göstərən 22 bank ümumilikdə 752.6 milyon manat faiz gəliri əldə ediblər.