Bu il tələb artımı təklif artımından geri qaldığından dünya bazarlarında neft qiyməti daha da azala bilər.

“APA-Economics”in “Bloomberg“ə istinadən verdiyi məlumata görə, bunu Beynəlxalq Enerji Agentliyinin (IEA) rəhbəri Fatih Birol deyib.

Onun sözlərinə görə, neft qiymətləri bu il hasilatın artması və tələbin Çinin zəifləyən artımı ilə məhdudlaşması səbəbindən daha da enə bilər.

Qeyd etmək lazımdır ki, xam neft fyuçersləri son iki həftə ərzində bərpa olunaraq, London birjasında bir barel üçün 68 dollar civarında ticarət edilsə də, Donald Trampın aprelin 2-də Çin və digər ölkələrə tariflər çovğunu elan etməsindən əvvəl satılan səviyyədən təxminən 9% aşağı olaraq qalır.