Emin Həsənli: "Heç kimə sirr deyil ki, onların müharibə etməyə gücü yoxdu"

"Bu gün Ermənistanda vəziyyət həddindən artıq böhranlıdır. Ölkə iqtisadi, siyasi və hərbi cəhətdən gərgin dövr yaşayır". Bunu Tərxis Olunmuş Hərbçilərin Gəncləri Maarifləndirmə İctimai Birliyinin (TOHGMİB) sədri, hərbi eskpert Emin Həsənli cəbhə xəttindəki erməni təxribatına münasibət bildirərkən deyib. Hərbi eskpertin sözlərinə görə, Yunanıstanın aqibəti eynilə Ermənistanı da gözləyir: "Rəsmi İrəvan ianələr hesabına yaşayan dövlətdir. Ermənistan vətəndaşları da tez-tez İrəvanda piketlər və mitinq keçirir. Bu mitinqlər orada mütəmadi olaraq davam edir. Vətəndaşlar artıq Ermənistan hakimiyyətindən beziblər. İşğalçı ölkə daxildəki diqqəti yayındırmaq üçün müharibə təhlükəsi göstərmək istəyir. Beləcə, onlar tez-tez atəşkəsi pozurlar. Heç kimə sirr deyil ki, onların müharibə etməyə gücü yoxdur. Onlar müharibəyə başlasalar nəinki Qarabağ, bütün Ermənistan təhlükədə olar. Hətta Ermənistanın özünün bir dövlət kimi mövcudluğu sual altındadır. Bunu onlar çox yaxşı bilir və ona görə də müharibə etmirlər. Təbii ki, Azərbaycanın səbri də tükənməz deyildir. Azərbaycan gez-tez hərbi əməliyyatlara başlayacaq və öz torpaqlarını azad edəcək. Bu gün Azərbayan öz ordusunu gücləndirir və müdafiə sənayesi potensialını artırır. Təbii ki, bu da onu deməyə əsas verir ki, Azərbaycan dövləti hər an hərbi əməliyyatlara başlaya bilər".

Əli