“Böyük Britaniya baş nazirinin Azərbaycan və Ermənistan liderlərinin ikitərəfli format çərçivəsində görüşlərinin təşkilinə Paşinyanın razılıq verməməsi onun heç də qərbdəkilərin təqdim etmyə çalışdıqları kimi sülh göyərçini olmadığını növbəti dəfə təsdiqləməklə yanaşı Azərbaycanın maraqları baxımından həm müsbət, həm də mənfi anlam daşıyan bəzi reallıqlardan da xəbər veirir”. Xalqcəbhəsi.az xəbər verir ki, bunu VI çağırış Milli Məclisin deputatı Sahib Alıyev deyib: “Sonuncudan başlasaq, məncə, Paşinyanın bu görüşdən imtinasının arxasında Fransadan çox haylarla birgə təlimin ardından öz hərbçisini təlimatçı olaraq uzun müddətə Ermənistan Müdafiə Nazirliyində yerləşdirəcəyini açıqlayan Birləşmiş Ştatların diktəsi durur. Əgər söhbət ancaq Fransadan getsə idi, Ermənistan baş naziri özündə bu qədər cəsarət taparaq sözü gedən görüşdən imtina etməzdi.
Burada ABŞ Dövlət Departamentinin yüksək vəzifəli təmsilçilərinin hansı intensivliklə İrəvanda peyda olmalarını da xatırlatmaq lazım gəlir. Son bir ayda dövlət katibinin üç müavini Ermənistana təşrif gətirdilər. Xeyir ola, bu kiçik ölkəni Bayden Adminstrasiyası üçün önəmli edən nədir ki, dövlət katibinin müavinlərinin biri oranı tərk edər-etməz dabanbasaraq digəri özünü yetirir?”.