“18 Oktyabr Müstəqilliyin Bərpası Günü Azərbaycan tarixinin müasir mərhələsinin ən parlaq səhifələrindən biridir”. Bunu xalqcebhesi.az-a açıqlamasında siyasi şərhçi Azər Həsrət deyib.
O bildirib ki, 1918-ci il Mayın 28-də yoxdan bir Respublika var edən əcdadımız o ümidlə bu yola çıxmışdı ki, gələcək nəsillər onların bu ideallarına sahiblənəcək: “Sonrakı mərhələdə Rusiya Sovet İttifaqı adı altında Azərbaycan Xalq Cümhuriyyətini (AXC) işğal edib, 71 il əsarətdə saxlasa da, xalqın ürəyindəki müstəqillik alovu, atəşi heç vaxt sönmədi, nəsildən-nəsilə ötürüldü və nəticə etibarı ilə 1988-ci ildə başlayan hərəkat gətirib ona çıxardı ki, 1991-ci il Oktyabrın 18-də Azərbaycan Respublikası özünün müstəqilliyini bərpa etdi. Yəni AXC-nin varisi olaraq yenidən müstəqil dövlət kimi meydana atıldı”.

Röya İsrafilova