“COP29 tədbirləri ən yüksək səviyyədə davam edir. Həm Mavi zonada, həm də Yaşıl zonada saysız dinləmələr həyata keçirilir”.
Bunu Xalqcebhesi.az-a açıqlamasında politoloq Tural İsmayılov deyib.
Politoloq qeyd edib ki, tədbirdə müxtəlif mövzularda, özəlliklə iqlim və yaşıl enerji məsələsinə fokuslu müzakirələrin sayı üstünlük təşkil edir: “Eyni zamanda, bunlarla paralel həm də Mavi zonada yer alan ölkələrin və ayrı-ayrı vətəndaş cəmiyyəti insitutlarının pavilyonlarında da geniş şəkildə müzakirələr aparılır. Gün ərzində müxtəlif mövzularda dinləmələr həmin bu pavilyonlarda böyük peşəkarlıqla həyata keçirilir”.
T.İsmayılov ölkəmizin dünya səviyyəli vacib tədbirə ev sahibliyi etməsini qürurverici hadisə adlandırıb: “Belə tədbirlərdə Azərbaycanın maraqları, mövqeləri ən yüksək səviyyədə dinlənilir və nəzərə alınır. Bu baxımdan hesab edirəm ki, COP29 tədbiri və Azərbaycanın bu tədbirə peşəkarlıqla, yüksək səviyyədə ev sahibliyi etməsi danılmaz bir faktdır, görünən bir gerçəklikdir və ölkəmizin qlobal münasibətlər sistemində artan mövqelərinin göstəricisidir”.

Röya İsrafilova