COP29 Sədrliyinin danışıqlarda əsas prioriteti iqlimin maliyyələşdirilməsində yeni məqsəddir.

APA xəbər verir ki, bunu COP29 çərçivəsində Parlamentlərarası İttifaq və Azərbaycan Respublikası Milli Məclisinin birgə təşkilatçılığı ilə keçirilən Parlament Görüşündə COP29-un müəyyən edilmiş Prezidenti Muxtar Babayev deyib.

Muxtar Babayev bildirib ki, COP29 Sədrliyi iqlim dəyişikliyi ilə bağlı ambisiyaları artırmaq və fəaliyyətə imkan vermək planına diqqət yetirir: “Parlamentlər daha güclü iqlim planları üçün təkan verə bilər. Parlamentlər milli büdcələri təyin edir və onlara nəzarət edir, hökumətlərin iqtisadi qərarlarında mühüm rol oynayır. Bunlar keçid dövrünün maliyyələşdirilməsində və iqlimə davamlı dünyanın qurulmasında mühüm rol oynayacaq. Başa düşürük ki, siyasi və maliyyə məhdudiyyətləri kimi çətinliklər ola bilər. Heç bir şey bütün xalqların təhlükəsizliyinə, rifahına iqlim dəyişikliyindən daha böyük təsir göstərə bilməz. Parlament transformativ dəyişiklik üçün siyasi iradənin formalaşmasına kömək edilə bilər. Bu siyasi iradəni həm COP29-da, həm qayıdanda qorumaq lazımdır".