İndiyə qədər bələdiyyə seçkilərində iştirak etmək üçün namizədliyi irəli sürülən şəxlərin sayı 3662 nəfərə çatıb.

APA xəbər verir ki, bunu Mərkəzi Seçki Komissiyasının bugünkü iclasında sədr Məzahir Pənahov deyib.

Bu, 108 dairə üzrə ümumilikdə 548 bələdiyyəni əhatə edir. İndiyə qədər 1397 nəfərə imza vərəqələri verilib.

O bildirib ki, müraciətlərin sayı Azərbaycanda fəaliyyət göstərən siyasi partiyaların çoxunun budəfəki bələdiyyə seçkilərində iştirak etmək niyyətində olduğunu deməyə əsas verir.