Xəbər verdiyimiz kimi, Polşa Respublikasının xarici işlər naziri Radoslav Sikorski Azərbaycan Respublikasının xarici işlər naziri Ceyhun Bayramovla telefon danışığında Azərbaycan Hava Yollarına məxsus sərnişin təyyarəsinin faciəvi şəkildə qəzaya uğraması ilə bağlı bir daha başsağlığı diləklərini çatdırıb.

Xalqcebhesi.az xəbər verir ki, Radoslav Sikorski Polşa tərəfinin faciənin səbəblərinin araşdırılması istiqamətində mümkün texniki dəstəyin göstərilməsinə hazır olduğu bildirilib.

Nazir Ceyhun Bayramov başsağlığı diləkləri və göstərilən həmrəyliyə görə təşəkkür edib.

Qeyd edək ki, 2010-cu ildə Polşa Prezidenti Lex Kaçinski və xanımı Mariya Kaçinskinin də olduğu təyyarə Smolensk-Severnı aerodromunda müəmmalı şəkildə qəzaya uğramışdı. Prezident və Polşanın ali dövlət strukturlarının rəhbərləri də daxil olmaqla, təyyarədə olan 96 nəfərin hamısı ölmüşdü. İstintaq araşdırmaları qəzanın kənar müdaxilə səbəbindən baş verdiyini sübut edib.