Avropa İttifaqının Azərbaycanla sərhəddə yerləşdirilmiş “müşahidəçilər"inin fəallığı səngimək bilmir.

Xalqcebhesi.az xəbər verir ki, bununla bağlı Trend-ə yeni görüntülər daxil olub.

Belə ki, yanvarın 30-u saat 14:45-də Ermənistanın Dəvəli rayonunun Arazdəyən yaşayış məntəqəsi istiqamətində yerləşən Ermənistan silahlı qüvvələrinin döyüş mövqeyi üzərində Avropa İttifaqının bayrağının olduğu 2 ədəd Cip markalı avtomobildə 1-i hərbçi və 3-ü mülki şəxs olmaqla, ümumilikdə 4 nəfər şəxsin gələrək ərazidə foto və videoçəkiliş aparması qeydə alınıb.

Missiya nümayəndələri saat 15:50-də ərazini tərk edərək geri qayıdıblar.

Avropa İttifaqı nümayəndələrinin ərazidəki fəaliyyəti Azərbaycan Ordusunun bu istiqamətdə yerləşən bölmələri tərəfindən vizual və texniki vasitələrlə müşahidə edilib.

Həmin görüntüləri təqdim edirik: