Rusiya İranla ticarət-iqtisadi əməkdaşlığın əsas perspektivlərini enerji, avtomobil və təyyarə istehsalı, gəmiqayırma, əczaçılıq, nəqliyyat infrastrukturunun inkişafı kimi sahələrlə əlaqələndirir.

Xalqcebhesi.az xəbər verir ki, bu sözləri Rusiya Baş nazirin müavini Aleksey Overçuk Tehranda keçirilən III Xəzər İqtisadi Forumunda çıxışı zamanı deyib.

O xatırladıb ki, İran bu yaxınlarda Aİİ-yə müşahidəçi ölkə kimi qoşulub, bu status ona sənədləri qəbul etməyə və ittifaqın rəhbər orqanlarının açıq iclaslarında iştirak etməyə imkan verir.

Overçuk təklif edib ki, Xəzər beşliyinə daxil olan digər ölkələr də Aİİ ilə yaxınlaşmanı təhlil etsinlər.

Qeyd edək ki, Xəzər beşliyinə Rusiya, Azərbaycan, İran, Qazaxıstan və Türkmənistan daxildir.