Ermənistan nisbətən ucuz silah və sursat idxalına arxalanaraq Hindistanla müdafiə dialoqunu genişləndirir.

Xalqcebhesi.az xəbər verir ki, bu barədə Türkiyənin “Star” qəzeti məlumat yayıb.

Qeyd olunur ki, Azərbaycanla 44 günlük müharibə nəticəsində itirdiyi hərbi-texniki potensialı bərpa etməyə çalışan Ermənistan son illər Fransa və Hindistandan silah almağa başlayıb:

“İrəvan ABŞ, Yunanıstan, Cənubi Kipr və Çinlə də hərbi əlaqələr qurub. Təxminən 2 milyard dollarlıq ilk böyük müqavilə 2020-ci ildə Ermənistan və Hindistan arasında imzalanıb. Bu dialoqun yekun halqası fevralın 10-dan 14-dək “Aero İndia 2025” beynəlxalq aerokosmik sərgisini ziyarət edən Ermənistanın müdafiə naziri Suren Papikyanın başçılıq etdiyi yüksək səviyyəli nümayəndə heyətinin Hindistana səfəri olub. Sərgi çərçivəsində Müdafiə Nazirliyinin heyəti ilə Ermənistan və Hindistanın müdafiə şirkətlərinin nümayəndələri arasında danışıqlar aparılıb”.

Bildirilir ki, Ermənistanı Hindistandan aktiv şəkildə silah idxal etməyə sövq edən əsas səbəb Yeni Dehlinin parametrlərinə görə Ermənistan ordusunun təchizat sistemləri ilə uyğun gələn Rusiya silahlarının inkişaf etdirilməsidir:

“2024-25-ci illərdə Ermənistan Hindistandan əlavə 600 milyon dollara silah almağı öhdəsinə götürüb. İrəvan artilleriya sistemlərinə və hava hücumundan müdafiəyə üstünlük verir. Digər məsələlərlə yanaşı, Hindistanın “Zen Anti-Drone System” (ZADS) şirkəti tərəfindən hazırlanmış PUA əleyhinə sistemlərin Ermənistana tədarükü üçün 41 milyon dollarlıq sifariş olub. Bundan əlavə, İrəvanda Hindistanın “Hindustan Aeronautics Limited” şirkəti vasitəsilə dörd ədəd Su-30 SM təyyarəsinin modernləşdirilməsi məsələsi də müzakirə olunur. Bu məsələ ilə bağlı danışıqların birinci mərhələsi ötən ilin sonunda baş tutub. Nəticədə Hindistan Ermənistana əsas silah tədarükçüləri siyahısında Rusiyanı əvəz etməyə başladı və İrəvan bu Cənubi Asiya ölkəsindən silah idxal edənlər arasında lider mövqe tutub”.

Vurğulanır ki, Ermənistanın müdafiə naziri Papikyanın “Hindistan silahlarının həm müdafiə, həm də hücum üçün” istifadəsinə dair fikirləri diqqət çəkir.