ABŞ prezidenti Tramp İsrail Baş naziri B.Netanyahunun istəyinə uyğun olaraq İrana qarşı hərbi əməliyyatlar üçün regiona B52 qırıcıları və raket esminesleri toplayır. Həmçinin İsrailə bir müddət öncə bunker dağıdan bombaların göndərilməsi məhz İran faktoruna görə idi.

Bunu "Xalq Cəbhəsi"nə politoloq Məhəmməd Əsədullazadə deyib.

O, qeyd edib ki, vaxtı ilə İsrailin Baş naziri B.Netanyahu İraqda nüvə silahı var bəhanəsi ilə ABŞ-ı hərbi əməliyyatlara sövq etdi. Hazırda Qəzzadan fələstinlilərin köçürülməsi məhz İsrailin Bas nazirinin planıdır. D.Tramp nə qədər Ağ Evdə oturub, B.Netanyahu Qəzzadan fələstinlilərin köçürülməsini və İrana qarşı hərbi əməliyyatlar keçirilməsinə çalışacaq:

"Göründüyü kimi, Tramp və administrasiyası İsrailin tam təlimatı ilə Yaxın Şərq siyasətini qurur. Təbii ki, İsrail çalışır ki, Suriyada Türkiyə qarşı D.Trampdan istifadə etsin.

Hazırda ABŞ İran ətrafında hərbi hərəkətliliyi inkişaf etdirir. Tərəflər arasında qarşılıqlı ittihamlar birbaşa dialoqun baş tutması sual altındadir. Vaşinqtonun təklifləri əsasən aşağıdakılardır. Birinci, nüvə proqramından əl çəkməlidir. İkinci, Ballistik raketlerdən imtina etməlidir. Üçüncü, proksi qüvvələr yaratmamali və dəstək verməməlidir.

Uzun illərdi ki, İran öz hərbi imkanlarını inkişaf etdirir. İranın güclənməsi Azərbaycan və Türkiyənin təhlükəsizliyini təhdid edir. Xüsusilə, Tehranın daima Azərbaycanı hədəf seçməsi, hərbi təhdidlərlə hədələməsi ikitərəfli münasibətlərdə böhrana gətirib çıxarıb. İranın hərbi cəhətdən zəif olması Azərbaycanın milli təhlükəsizlik maraqlarına cavab verir.

ABŞ İranın hərbi infrastrukturunu və nüvə mərkəzlərini sıradan çıxarması regionda təhlükəsizliyin təmin edilməsinə gətirib çıxara bilər. Amma, ABŞ İrana birbaşa müharibəyə gedib, İraqda kimi quru əməliyyatlar keçirərsə, bu müharibə Vaşinqtonun məğlub olmasına gətirib çıxara bilər. ABŞ Vyetnamda, Əfqanıstanda və İraqda qələbə qazana bilmədiyi kimi İran müharibəsində eyni analoji dövrü yaşaya bilər".

Cavid