Qlobal Cənub QHT Platforması müxtəlif ölkələrin səsinə çevriləcək.

APA xəbər verir ki, bunu Braziliyalı nümayəndə Almir Lima Nascimento Qlobal Cənub QHT Platformasının təsis konfransında çıxışı zamanı deyib.

"Hazırda sosial, ekoloji, eləcə də iqtisadi sahələrdə böhranlarla üz-üzəyik. Bu platforma iqlim dəyişikliyi, ticarət bərabərsizliyi, yoxsulluq kimi problemlərlə mübarizədə vahid cəbhəyə çevrilməlidir. Bütün platforma üzvləri bundan eyni dərəcədə faydalanmalıdır. Resurslar bərabər bölüşdürülməlidir. Vacib regional və qlobal çətinlikləri dialoq və tərəfdaşlıqla həll edilməlidir. Biz qarşıda duran bütün işləri bilirik. Əsas olan bu işlərin necə görülüb, problemlərin necə həll ediləcəyidir. Ümid edirəm, bu forum sadəcə dialoqlarda qalmayacaq", - o əlavə edib.